នៅថ្ងៃទី៣០ ខែឧសភា ឆ្នាំ២០១៦ ក្នុងអំឡុងពេលសន្និសីទអន្តរជាតិ Nikkei នៅទីក្រុងតូក្យូ ប្រទេសជប៉ុន ឯកឧត្តមទេសរដ្ឋមន្ត្រី ស៊ុន ចាន់ថុល បានអញ្ជើញអង្គុយផ្តល់បទសម្ភាសន៍មួយ ជាមួយទូរទស្សន៍ CNBCជប៉ុន ដែលជាបណ្តាញទូរទស្សន៍សាជីវកម្មព័ត៌មានតាមខ្សែកាប ផ្សាយព័ត៌មានហិរញ្ញវត្ថុ ផ្តល់បទវិភាគ និងមាតិកាព័ត៌មានអាជីវកម្ម។ឯកឧត្តមទេសរដ្ឋមន្ត្រី ស៊ុន ចាន់ថុល បានពិភាក្សាអំពីផែនការហេដ្ឋារចនាសម្ព័ន្ធសម្រាប់ប្រទេសកម្ពុជា ហេតុផលដែលវិនិយោគិនគួរតែពិចារណាក្នុងការដាក់ទុនវិនិយោគនៅកម្ពុជា និងវិស័យអាទិភាព ប្រកបដោយសក្កានុពល សម្រាប់ទាំងវិនិយោគិន និងរដ្ឋាភិបាលកម្ពុជា។
