នៅថ្ងៃទី០៨ ខែមិថុនា ឆ្នាំ២០១៦ នៅទីស្តីការក្រសួងសាធារណការ និងដឹកជញ្ជូន ឯកឧត្តមទេសរដ្ឋមន្ត្រី ស៊ុន ចាន់ថុល បានទទួលជួបពិភាក្សាការងារ ជាមួយលោក Bian Jia Jun អនុប្រធានក្រុមហ៊ុន សំណង់សៀងហៃ និងលោក Wang Xiao Lin អគ្គនាយករង ក្រុមហ៊ុន សំណង់សៀងហៃ។
លោក Bian បានសម្តែងការកោតសរសើរ ចំពោះកិច្ចសហប្រតិបត្តិការ រវាងក្រសួងសាធារណការ និងដឹកជញ្ជូន និងក្រុមហ៊ុន សំណង់សៀងហៃ ហើយមានបំណង ក្នុងការបន្តកិច្ចសហការ ជាមួយកម្ពុជា ដើម្បីអភិវឌ្ឍន៍ ប្រព័ន្ធហេដ្ឋារចនាសម្ព័ន្ធ ឲ្យកាន់តែប្រសើរឡើង។
ឯកឧត្តមទេសរដ្ឋមន្រ្តី ស្នើសុំក្រុមហ៊ុន សំណង់សៀងហៃ យកចិត្តទុកដាក់បន្ថែមទៀត ដើម្បីធ្វើយ៉ាងណា ធានាបានគុណភាព និងភាពយូអង្វែង នៃសំណង់ផ្លូវថ្នល់សាធារណៈ។ ឯកឧត្តមទេសរដ្ឋមន្ត្រី ក៍បានស្នើសុំការសាងសង់ ស្ពានអាកាស គួរតែធ្វើនាពេលយប់ ដើម្បីចៀងវាងការកកស្ទះ ការធ្វើចរាចរណ៍ របស់ប្រជាពលរដ្ឋ។
