នៅក្នុងឱកាស នៃពិធីបុណ្យភ្ជុំបិណ្ឌ ប្រពៃណីជាតិខ្មែរ ឆ្នាំ២០១៦ នេះ ឯកឧត្តមទេសរដ្ឋមន្ត្រី ស៊ុន ចាន់ថុល បានអញ្ជើញចុះសាកសួរសុខទុក្ខ មន្រ្តីរាជការទាំងអស់ ដែលកំពុងបម្រើការងារ នៅទីស្តីការក្រសួងសាធារណការ និងដឹកជញ្ជូន ដើម្បីសម្តែងនូវការគោរព និងកោតសរសើរ ចំពោះមន្ត្រីក្រសួងតាមការិយាល័យ ដែលបានខិតខំប្រឹងប្រែងបំពេញការងារ និងការសម្រេចបាននូវសមិទ្ធិផលនានា ជូនក្រសួង។
ឆ្លៀតក្នុងឱកាសនោះដែរ ឯកឧត្តមទេសរដ្ឋមន្ត្រី ក៏បាននាំយកអំណោយជាថវិកាមួយចំនួនឧបត្ថម្ភដល់មន្ត្រីក្រសួងគ្រប់ៗរូប ដើម្បីរីករាយក្នុងថ្ងៃឈប់សម្រាក។
ឯកឧត្តមទេសរដ្ឋមន្រ្តី បានជូនពរដល់មន្រ្តីទាំងអស់ ឲ្យជួបប្រទះតែសុខសុវត្ថិភាព ក្នុងថ្ងៃឈប់សម្រាក ជាមួយក្រុមគ្រួសារ ហើយសង្ឃឹមថា មន្ត្រីទាំងអស់ នឹងវិលត្រឡប់ពីថ្ងៃឈប់សម្រាក មកបំពេញការងារវិញ មានស្មារតី និងអារម្មណ៍ជ្រះថ្លា ដើម្បីបម្រើផលប្រយោជន៍ ប្រជាជនខ្មែរយើងបន្តទៀត។
