នៅថ្ងៃទី២០ ខែកក្កដា ឆ្នាំ២០១៧ នៅទីស្ដីការក្រសួងសាធារណការ និងដឹកជញ្ជូន ឯកឧត្ដមទេសរដ្ឋមន្ត្រី
ស៊ុន ចាន់ថុល បានជួបពិភាក្សាការងារជាមួយ លោក Tang Tong ប្រធានក្រុមហ៊ុនផ្លូវដែក China Sky Railway Group ។
លោកប្រធានក្រុមហ៊ុន បានជម្រាបជូនឯកឧត្ដមទេសរដ្ឋមន្ត្រីអំពីចំណាប់អារម្មណ៍របស់ក្រុមហ៊ុនក្នុងការអភិវឌ្ឍប្រព័ន្ធរថភ្លើងលើអាកាស(ប្រព័ន្ធផ្លូវដែក)ពីរាជធានីភ្នំពេញទៅព្រលានយន្តហោះអន្តរជាតិភ្នំពេញ និងពីរាជធានីភ្នំពេញទៅពហុកីឡាដ្ឋានជាតិអូឡាំពិច (ដោយហេតុថាកម្ពុជា នឹងធ្វើជាម្ចាស់ផ្ទះក្នុងការរៀបចំព្រឹត្តiការណ៍កីឡាស៊ីហ្គេម SEA Games នៅឆ្នាំ២០២៣ ខាងមុខ ។
ឯកឧត្ដមទេសរដ្ឋមន្ត្រីបានសម្ដែងការគាំទ្រលើចំណាប់អារម្មណ៍របស់ក្រុមហ៊ុនទាក់ទងនឹងគម្រោងនេះ និងបានផ្ដល់អនុសាសន៍ឱ្យក្រុមហ៊ុនសិក្សាពីលទ្ធភាពរបស់ខ្លួនក្នុងការស្វែងយល់ឱ្យកាន់តែច្បាស់ ពីថាមវ័នភស្តុភារកម្ម ដែលទាក់ទងនឹងគម្រោងនេះ ហើយដាក់សំណើរគម្រោងនេះទៅក្រសួងសាធារណការ និងដឹកជញ្ជូនជូនពិនិត្យឱ្យបានឆាប់បំផុត។
