នៅថ្ងៃទី១២ ខែ សីហា ឆ្នាំ ២០១៦នេះផងដែរ នាយកដ្ឋានផ្លូវថ្នល់ មានលោក ហេង រ័ដ្ឋពិសិដ្ឋ ជាប្រធាននាយកដ្ឋាន បានធ្វើការចែករំលែកនូវបទពិសោធន៍ និងចំណេះដឹង ដល់មន្ត្រីដែលទើបប្រឡងជាប់ ចូលបម្រើការងារ នៅក្រសួងសាធារណការ និងដឹកជញ្ជូន ឆ្នាំ២០១៦
នេះគឺជាសកម្មភាព នៃការបណ្តុះបណ្តាលមួយ ក្នុងចំណោមការបណ្តុះជាច្រើន មុខជំនាញការងារ
សម្រាប់មន្ត្រីក្របខណ្ឌចំនួន ២២៧នាក់ ដែលទើបប្រឡងជាប់ ហើយការបណ្តុះបណ្តាលនេះបាន ចាប់ផ្តើមពីថ្ងៃទី០៨ គ្រោងនឹងបញ្ចប់នៅ ថ្ងៃទី១៩ ខែសីហា ឆ្នាំ២០១៦ ខាងមុខនេះ។
វគ្គបណ្តុះបណ្តាល នាថ្ងៃទី១២ សីហា បានផ្តោតសំខាន់ទៅលើ ខឹ្លមសារសំខាន់ៗ ទាក់ទងនឹង ១) ប្រវត្តិរបស់ក្រសួងសាធារណការ និងដឹកជញ្ជូន ចាប់តាំងពីឆ្នាំ១៩៧៩ រហូតមកដល់បច្ចុប្បន្ន ២) បេសកកម្ម និងតួនាទីរបស់ សកដ មុនធ្វើការសង្ខេបពីរចនាសម័្ពន្ឋ និងមន្ត្រីក្របខណ្ឋនាយកដ្ឋានផ្លូវថ្នល់ ៣) បង្ហាញពីតួនាទី និងភារកិច្ចស្នូល របស់នាយកដ្ឋានផ្លូវថ្នល់រួមមាន៖ ការថែទាំ ជួសជុល និងគ្រប់គ្រង ត្រួតពិនិត្យ ព្រមទាំងទំនាក់ទំនងបច្ចេកទេស ក្នុងការសាងសង់ផ្លូវថ្នល់ និងស្ពាន។
