នៅរសៀលថ្ងៃទី២៤ ខែសីហា ឆ្នាំ២០១៦ នៅទីក្រុងប៉េកាំង សាធារណរដ្ឋប្រជាមានិតចិន ឯកឧត្តមទេសរដ្ឋមន្ត្រី ស៊ុន ចាន់ថុល បានដឹកនាំគណៈប្រតិភូ នៃក្រសួងសាធារណការ និងដឹកជញ្ជូន កម្ពុជា ទៅបំពេញទស្សនកិច្ច នៅមជ្ឈមណ្ឌលជាតិ គ្រប់គ្រងការដឹកជញ្ជូន តាមផ្លូវដែករបស់ប្រទេសចិន។
នាយកប្រតិបត្តិ របស់ក្រុមហ៊ុននេះ បានជម្រាបជូន ឯកឧត្តមទេសរដ្ឋមន្រ្តី និងគណៈប្រតិភូកម្ពុជាអំពីសាវតាការសាងសង់ ការតភ្ជាប់ ប្រតិបត្តិការ និងការផ្តល់សេវាដឹកជញ្ជូនល្បឿនលឿនតាមផ្លូវដែក របស់ប្រទេសចិន ដែលបាននាំឱកាសអាជីវកម្ម ជាច្រើនដល់ប្រជាជនក្នុងតំបន់ របស់ប្រទេសចិន។
ក្នុងដំណើរទស្សនកិច្ចនោះដែរ ឯកឧត្តមទេសរដ្ឋមន្រ្តី បានឆ្លៀតឱ្យកាសស្នើសុំកិច្ចសហប្រតិបត្តិការ ជាមួយក្រុមហ៊ុនក្នុងការចែករំលែកនូវបទពិសោធន៍ និងមេរៀនដែលបានសិក្សាអំពីរបៀប អភិវឌ្ឍ និងប្រតិបត្តិការផ្លូវរថភ្លើង ល្បឿនលឿន ជាមួយកម្ពុជានៅថ្ងៃអនាគត។
