នៅថ្ងៃទី២៥ ខែមេសា ឆ្នាំ២០១៦ នៅទីស្តីការក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានជួបពិភាក្សាការងារជាមួយគណៈប្រតិភូមួយក្រុម ដឹកនាំដោយលោក Jiang Juhua នាយកគ្រប់គ្រងទូទៅផ្នែកកម្ចីសម្បទាននៃធនាគារអាហរ័ណនីហរ័ណចិន។

គោលបំណងនៃកិច្ចប្រជុំនេះគឺដើម្បីពិភាក្សា អំពីគម្រោងអាទិភាពនានា ក្នុងការធ្វើឲ្យប្រសើរឡើងដល់ហេដ្ឋារចនាសម្ព័ន្ធ ដែលធនាគារអាហរ័ណនីហរ័ណចិនអាចផ្តល់ហិរញ្ញប្បទានបាន។ គម្រោងអាទិភាពទាំងនេះ គឺផ្នែកមួយនៃមធ្យោបាយដែលមានប្រសិទ្ធភាពបំផុត ក្នុងការធ្វើឲ្យសេដ្ឋកិច្ចមានភាពប្រសើរឡើង។ ឯកឧត្តមទេសរដ្ឋមន្ត្រី ស៊ុន ចាន់ថុល ក៌បានស្នើឲ្យលោក Jiang Juhua ពន្លឿនកិច្ចព្រមព្រៀងប្រាក់កម្ចីសម្រាប់ផ្លូវលេខ៥១ និងផ្លូវក្រវ៉ា់ត់ក្រុងលេខ២ ផងដែរ។ លើសពីនេះទៀត ឯកឧត្តម បានស្នើឲ្យ លោកJiang Juhua ផ្តល់ការគាំទ្រលើការស្វែងរកគម្រោងផ្តល់ហិរញ្ញប្បទានសម្រាប់ការសាងសង់ ផ្លូវល្បឿនលឿនពីភ្នំពេញទៅក្រុងព្រះសីហនុ ដែលជាការពង្រឹងដល់ការអភិវឌ្ឍសេដ្ឋកិច្ចកម្ពុជាយ៉ាងធំធេង ។

ឯកឧត្តមទេសរដ្ឋមន្រ្តី ស៊ុន ចាន់ថុល និងលោក Jiang Juhua ក៏បានពិភាក្សាផងដែរអំពីការដឹកជញ្ជូនតាមផ្លូវទឹកក្នុងស្រុក ផ្លូវដែក ព្រលានយន្តហោះ និងបណ្តាញផ្លូវគោកផ្សេងទៀតនៅក្នុងប្រទេសកម្ពុជាផងដែរ។ ឯកឧត្តមទេសរដ្ឋមន្រ្តី បានសម្តែងនូវការកោតសរសើរចំពោះធនាគារអាហរ័ណនីហរ័ណចិន ដែលបានផ្តល់ការគាំទ្រដល់ការស្តារហេដ្ឋារចនាសម្ព័ន្ធ និងការសាងសង់នៅក្នុងប្រទេសកម្ពុជា។ ឯកឧត្តមទេសរដ្ឋមន្ត្រីបានជម្រាបជូនគណៈប្រតិភូថា៖ ពួកគេគឺជាគណៈប្រតិភូផ្លូវការលើកដំបូងហើយ ដែលបានជួបពិភាក្សាជាមួយឯកឧត្តម ក្នុងតំណែងថ្មីជារដ្ឋមន្ត្រីក្រសួងសាធារណការនិងដឹកជញ្ជូន។

Click here to view the embedded video.

នៅថ្ងៃទី២៦ ខែមេសា ឆ្នាំ២០១៦ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានអញ្ជើញចូលរួមក្នុងពិធី សម្ពោធដាក់ឲ្យប្រើប្រាស់ជាផ្លូវការ នូវផ្លូវជាតិលេខ៥៦ និងផ្លូវចូលទៅប្រាសាទបន្ទាយឆ្មារ ដែលមានប្រវែងសរុប ១២៤,២០ គីឡូម៉ែត្រ ពីក្រុងសិរីសោភ័ណ្ឌ ខេត្តបន្ទាយមានជ័យ ទៅដល់ក្រុងសំរោង ខេត្តឧត្តរមានជ័យ។ ការកែលម្អហេដ្ឋារចនាសម្ព័ន្ធនេះ ត្រូវបានបង្កើតឡើងដោយធនាគារឥណទាន Exim Bank EDCF KHM-9 និងប្រាក់កម្ចីធនាគារ អភិវឌ្ឍន៍អាស៊ីលេខ ២៥៣៩-CAM (SF) ។

ពិធីបើកសម្ពោធនេះ ត្រូវបានធ្វើឡើងក្រោមអធិបតី សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា អមដំណើរដោយ មន្រ្តីជាន់ខ្ពស់នៃរាជរដ្ឋាភិបាល ឯកអគ្គរដ្ឋទូត ភ្ញៀវកិត្តិយសជាតិ និងអន្ដរជាតិ ព្រមទាំងសិស្សនិស្សិត និងប្រជាពលរដ្ឋ ក្នុងមូលដ្ឋានរាប់ពាន់នាក់ចូលរួមផងដែរ។

ឯកឧត្តមទេសរដ្ឋមន្រ្តី ស៊ុន ចាន់ថុល បានសម្តែងការកោតសរសើរ និងអរគុណយ៉ាងជ្រាលជ្រៅចំពោះរដ្ឋាភិបាលនៃសាធារណរដ្ឋកូរ៉េ និងធនាគារអភិវឌ្ឍន៍អាស៊ី ដែលបានផ្តល់ការគាំទ្រផ្នែកហិរញ្ញប្បទាន និងបានថ្លែងអំណរគុណដល់អាជ្ញាធរពាក់ព័ន្ធ និងប្រជាពលរដ្ឋក្នុងមូលដ្ឋាន ដែលបានសហការ និងសម្របសម្រួល ធ្វើឲ្យការសាងសង់ផ្លូវដ៏ធំទូលាយនេះ ទទួលបានជោគជ័យ ដោយតភ្ជាប់ខេត្តចំនួនពីរគឺ៖ ខេត្តបន្ទាយមានជ័យ និងឧត្តរមានជ័យ ឋិតនៅភាគខាងជើងប្រទេសកម្ពុជា និងខេត្តនានា ឋិតភាគខាងជើងនៃប្រទេសថៃ។

ផ្លូវនេះក៏តភ្ជាប់ផងដែរ ទៅកាន់ផ្លូវជាតិលេខ៥ បង្កើតបានជាការតភ្ជាប់ទៅកាន់ ច្រករបៀងសេដ្ឋកិច្ចភាគខាងកើត និងខាងលិច មហាអនុតំបន់ទន្លេមេគង្គ។

ដូច្នេះការស្តារឡើងវិញ ផ្លូវជាតិលេខ៥៦នេះ គឺជាការសម្របសម្រួលដល់ការដឹកជញ្ជូន និងការធ្វើពាណិជ្ជកម្ម នៅក្នុងអនុតំបន់រវាងភាគខាងជើងកម្ពុជា និងភាគខាងជើងប្រទេសថៃ បង្កើនការចូលទៅកាន់ទីផ្សារ ក្នុងតំបន់ កាត់បន្ថយពេលវេលាធ្វើដំណើរ និងការចំណាយ ជំរុញវិស័យទេសចរណ៍បើកផ្លូវចូលទៅកាន់ព្រំដែនដោយផ្ទាល់ និងការឆ្លងកាត់ក្នុងតំបន់ ដែលជាការធ្វើឲ្យប្រសើរឡើងដល់ ការប្រកបរបរចិញ្ចឹមជីវិត របស់ប្រជាជនកម្ពុជា តាមរយៈកំណើនសេដ្ឋកិច្ច។

នៅថ្ងៃទី ២៦ ខែមេសា ឆ្នាំ២០១៦ នៅទីស្តីការក្រសួងសាធារណការ និងដឹកជញ្ជូន ឯកឧត្តមទេសរដ្ឋមន្ត្រី ស៊ុន ចាន់ថុល បានជួបពិភាក្សាការងារជាមួយគណៈប្រតិភូវេទិកាសេដ្ឋកិច្ចពិភពលោក ដែលដឹកនាំដោយលោកបណ្ឌិត Philipp Rosler ប្រធាន និងជាសមាជិកគណៈគ្រប់គ្រងមជ្ឈមណ្ឌលយុទ្ធសាស្ត្រតំបន់ លោកJustin Wood ប្រធានប្រចាំតំបន់អាស៊ីប៉ាស៊ីហ្វិក លោកស្រី Anne Catherine Gay de Combes អ្នកឯកទេសផ្នែកសហគមន៍ យុទ្ធសាស្ត្រតំបន់ អាស៊ីប៉ាស៊ីហ្វិក លោកស្រី Trang Vergari ប្រធានគ្រប់គ្រងសហគមន៍ប្រចាំតំបន់អាស៊ីអាគ្នេយ៍ និងលោក Pierre Tami សហគ្រិនសង្គម ប្រចាំនៅប្រទេសកម្ពុជា ។

លោកបណ្ឌិត Philip Rosler បានជម្រាបជូនដំណឹងល្អដល់ឯកឧត្តមទេសរដ្ឋមន្ត្រីអំពីសេចក្តីសម្រេចរបស់វេទិកាសេដ្ឋកិច្ចពិភពលោក ដែលបានសម្រេចអនុញ្ញាតឲ្យកម្ពុជារៀបចំវេទិកាសេដ្ឋកិច្ចពិភពលោកដ៏អស្ចារ្យនេះនៅក្នុងកិច្ចប្រជុំកំពូលអាស៊ាននៅឆ្នាំ២០១៧។

វេទិកាសេដ្ឋកិច្ចពិភពលោក គឺជាស្ថាប័នប្រកបដោយកិត្យានុភាពជាសកល ដែលអាចទាក់ទាញអ្នកជំនួញធំៗ អ្នកដឹកនាំនយោបាយ និងសង្គមស៊ីវិល ឲ្យចូលរួមក្នុងវេទិកានៃកិច្ចប្រជុំកំពូលរបស់ស្ថាប័ននេះ។

សម្តេចនាយករដ្ឋមន្ត្រី បានចូលរួមយ៉ាងសកម្មនៅក្នុងវេទិកាសេដ្ឋកិច្ចពិភពលោក និងស្នើសុំឲ្យកម្ពុជាធ្វើម្ចាស់ផ្ទះក្នុងការរៀបចំកម្មវិធីវេទិកាសេដ្ឋកិច្ចពិភពលោកនៅក្នុងកិច្ចប្រជុំកំពូលអាស៊ានលើកក្រោយ។ ការសម្រេចឲ្យកម្ពុជាធ្វើជាម្ចាស់ផ្ទះក្នុងការរៀបចំកិច្ចប្រជុំកំពូលអន្តរជាតិធំៗ គឺជាការទទួលស្គាល់សមិទ្ធិផលនានាក្រោមការដឹកនាំរបស់សម្តេចនាយករដ្ឋមន្ត្រី និងការដើរតួនាទីសំខាន់របស់កម្ពុជានៅក្នុងសេដ្ឋកិច្ចតំបន់ និងពិភពលោក។ នេះគឺពិតជាកិត្តិយសដ៏ធំធេងរបស់កម្ពុជា។

ឯកឧត្តមទេសរដ្ឋមន្ត្រីបានបំពេញការងារជាមួយក្រុមហ៊ុនពហុជាតិធំៗ ដើម្បីឲ្យជួយបញ្ចុះបញ្ជូលវេទិកាសេដ្ឋកិច្ចពិភពលោកមករៀបចំនៅកម្ពុជាតាំងពីឆ្នាំ២០១៣មកម្លេះ។ ឯកឧត្តមទេសរដ្ឋមន្ត្រីនឹងធ្វើការងារជាមួយគណៈកម្មាធិការរៀបចំកម្មវិធីដើម្បីធានាឲ្យកិច្ចប្រជុំកំពូលនេះប្រព្រឹត្តទៅប្រកបដោយជោគជ័យ ចងចាំជាប្រវត្តិសាស្ត្រ និងជាមោទនភាពជាតិខ្មែរ។

នៅព្រឹកថ្ងៃទី២៣ ខែមេសា ឆ្នាំ២០១៦ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន (MPWT) បានអញ្ជើញចុះត្រួតពិនិត្យ ការជួសជុលផ្លូវលេខ១១០ (ពីចំណុចគីឡូម៉ែតលេខ៤ +៦០០ម៉ែត្រ ដល់ចំណុចគីឡូម៉ែតលេខ៨ +២៥០ម៉ែត្រ ក្បែរវត្តជំពុះក្អែក)។ ឯកឧត្តមទេសរដ្ឋមន្ត្រី បានស្នើឲ្យ ក្រុមការងារជួសជុល ពន្លឿនការងារ និង បាញ់ទឹកបន្ថែមទៀតឱ្យបានញឹកញាប់ដើម្បីកាត់បន្ថយធូលីដី ដែលអាចធ្វើឲ្យប៉ះពាល់ដល់សុខភាពរបស់ប្រជាជន រស់នៅតាមបណ្តោយផ្លូវនេះ។

ជាមួយគ្នានេះផងដែរ ឯកឧត្តមទេសរដ្ឋមន្រ្តី បានបញ្ជាក់ ពីសារសំខាន់នៃគុណភាពជួសជុលផ្លូវ និងបានស្នើឲ្យក្រុមការងារជួសជុលយកចិត្តទុកដាក់ដល់គុណភាពនៃការជួសជុលនេះ ដោយយោងទៅតាម បទដ្ឋានបច្ចេកទេស ដោយគ្មានការកេងចំណេញ ឬបន្ថយកម្រិតស្តង់ដារឡើយ។

ជាចុងក្រោយ ឯកឧត្តមបានជំរុញឲ្យក្រុុមការងារ បន្តការជួសជុលនៅពេលយប់ ក្នុងគោលបំណង ពន្លឿនបញ្ចប់កិច្ចការងារនេះ ឲ្យបានឆាប់រហ័ស ដើម្បីសម្រួលដល់ការធ្វើដំណើររបស់ប្រជាពលរដ្ឋ។

នៅយប់ថ្ងៃទី២៣ ខែមេសា ឆ្នាំ២០១៦ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន (MPWT) បានដឹកនាំគណៈប្រតិភូក្រសួងមួយក្រុម អញ្ជើញចុះត្រួតពិនិត្យការអ៊ុតគំនូសចរាចរលើមហាវិថីចំនួន២ខ្សែគឺ៖ មហាវិថីព្រះសុរាម្រិត និងមហាវិថីព្រះនរោត្តម។

ការអ៊ុតគំនូសចរាចរនេះធ្វើ ឡើងដោយក្រុមហ៊ុនសាជីវកម្មស្ពាន-ថ្នល់ចិន(CRBC) និងក្រុមហ៊ុនកូរ៉េ SIERRA Engineering & Construction (SECC) ដើម្បីធ្វើឲ្យប្រសើរឡើងដល់សុវត្ថិភាពផ្លូវថ្នល់ក្នុងទីក្រុងភ្នំពេញ។ ក្រុមហ៊ុនCRBC នឹងបញ្ចប់ការអ៊ុតគំនូសចរាចរលើមហាវិថីព្រះសីហនុ និងមហាវិថីម៉ៅសេទុង ឯចំណែកក្រុមហ៊ុនSECC នឹងបញ្ចប់ការអ៊ុតគំនូសចរាចរនៅលើមហាវិថីព្រះនរោត្តម។

ក្រុមហ៊ុនទាំងពីរធ្វើការជាមួយក្រសួងដើម្បីផ្តល់សេវារបស់ខ្លួន ដែលជាការរួមចំណែកមួយនៃការទទួលខុសត្រូវសង្គមរបស់ក្រុមហ៊ុន (Corporate Social Responsibility ) និងដើម្បីបង្ហាញពីសមត្ថភាព និងគុណភាពក្នុងការគូសគំនូសចរាចរក្នុងគោលបំណងចូលរួមដេញថ្លៃលើការគូសគំនូសចរាចរនាពេលអនាគត។

ឯកឧត្តមទេសរដ្ឋមន្រ្តី ស៊ុន ចាន់ថុល បានថ្លែងអំណរគុណដល់ក្រុមហ៊ុនទាំងពីរ ដែលបានចូលរួមចំណែកក្នុងការធ្វើឱ្យដងផ្លូវកាន់តែមានសុវត្ថិភាពសម្រាប់អ្នកបើកបរយានយន្ត។

នៅថ្ងៃទី២៥ ខែមេសា ឆ្នាំ២០១៦ នៅទីស្តីការក្រសួងសាធារណការនិងដឹកជញ្ជូន ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការនិងដឹកជញ្ជូន បានជួបពិភាក្សាជាមួយតំណាងវិស័យឧស្សាហកម្ម ដឹកជញ្ជូនកម្ពុជា (ទាំងការដឹកជញ្ជូនទំនិញនិងការដឹកជញ្ជូនអ្នកដំណើរ) ដែលក្នុងនោះមាន៖ សមាគមដឹកជញ្ជូនផ្លូវគោកកម្ពុជា(CAMTA) សមាគមភ្នាក់ងារបញ្ជូនទំនិញកម្ពុជា(CAMFFA) សមាគមរថយន្តក្រុងកម្ពុជា (CAMBA) និងក្រុមហ៊ុនដឹកជញ្ជូនផ្សេងទៀតមកពីវិស័យឯកជន។

នេះគឺជាកិច្ចប្រជុំមួយ រៀបចំឡើងដើម្បីពិនិត្យឡើងវិញ និងពិភាក្សាអំពីថ្លៃឈ្នួលដឹកជញ្ជូននាពេលបច្ចុប្បន្ន និងបញ្ហាប្រឈមដែលបានជួបប្រទះដោយឧស្សាហកម្មដឹកជញ្ជូននៅកម្ពុជា។

ឯកឧត្តមទេសរដ្ឋមន្រ្តី ស៊ុន ចាន់ថុល បានស្នើឲ្យតំណាងសមាគម និងក្រុមហ៊ុន ដឹកជញ្ជូនកាត់បន្ថយថ្លៃឈ្នួលរបស់ខ្លួនបន្ថែមទៀតឲ្យស្របតាមតម្លៃប្រេងធ្លាក់ចុះ ដើម្បីផ្តល់ផលប្រយោជន៍ដល់អ្នកដំណើរកម្ពុជានិងដើម្បីកាត់បន្ថយការចំណាយលើការដឹកជញ្ជូននៅប្រទេសកម្ពុជា។ ឯកឧត្តមទេសរដ្ឋមន្ត្រីក៏បានកត់សម្គាល់ផងដែរអំពីបញ្ហា និងសំណើនានាដែលលើកឡើងដោយ ក្រុមហ៊ុន និងសមាគមនានាដែលបានចូលរួមក្នុងកិច្ចពិភាក្សា និងបានជំរុញលើកទឹកចិត្តឲ្យពួកគេសហការជាមួយរាជរដ្ឋាភិបាលដើម្បីដោះស្រាយបញ្ហាទាំងនោះ។ ឯកឧត្តមទេសរដ្ឋមន្ត្រីក៏បានសំណូមពរឲ្យក្រុមហ៊ុនដឹកជញ្ជូនដាក់របាយការណ៍ជាក់លាក់របស់ខ្លួន មកក្រសួងដោយរៀបរាប់អំពីការចំណាយលម្អិតនៃប្រតិបត្តិការរបស់ខ្លួន ដើម្បីឲ្យក្រសួងធ្វើការកំណត់ពីរបៀបបន្ថយថ្លៃដឹកជញ្ជូនបន្ថែមទៀត។ លើសពីនេះទៀត ឯកឧត្តមទេសរដ្ឋមន្ត្រីបានស្នើឲ្យក្រុមហ៊ុនដឹកជញ្ជូនត្រូវគោរពច្បាប់ស្តីពីការកំណត់ទម្ងន់ដើម្បីកាត់បន្ថយការខូចផ្លូវដែលបង្កឡើងដោយរថយន្តដឹកទំនិញលើសទម្ងន់កំណត់។ ឯកឧត្តមទេសរដ្ឋមន្ត្រី ក៏បានស្នើឱ្យអ្នកបើកបររថយន្ត និងរថយន្តក្រុងទាំងអស់ឱ្យគោរពតាមច្បាប់ចរាចរណ៍។

ឯកឧត្តមទេសរដ្ឋមន្រ្តី ស៊ុន ចាន់ថុល បានសម្តែងអំណរគុណយ៉ាងជ្រាលជ្រៅចំពោះតំណាងឧស្សាហកម្មដឹកជញ្ជូនទាំងអស់ ដែលបានចូលរួមការពិគ្រោះយោបល់ប្រកបដោយផលិតភាព និងភាពស្មោះត្រង់ជាមួយរដ្ឋាភិបាល និងសង្ឃឹមថាស្មារតីនៃកិច្ចសហប្រតិបត្តិការរវាងវិស័យសាធារណៈ និងឯកជននេះនឹងនៅតែបន្តដើម្បីចូលរួមចំណែកដល់ការធ្វើឲ្យប្រសើរឡើងនៅក្នុងហេដ្ឋារចនាសម្ព័ន្ធដឹកជញ្ជូនកម្ពុជា និងធ្វើឲ្យមានភាពងាយស្រួលដល់ការធ្វើពាណិជ្ជកម្មនៅកម្ពុជាផងដែរ។

នៅថ្ងៃទី២៧ ខែមេសាឆ្នាំ២០១៦ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន (MPWT) បានជួបពិភាក្សាការងារជាមួយគណៈប្រតិភូចិនដែលរួមមាន៖ លោក Daizong Li ប្រធានក្រុមហ៊ុនផ្នែកអន្តរជាតិ លោក Raymond Luo អនុប្រធាន និងលោកស្រី Annabella Li តំណាងក្រុមហ៊ុនតាមផ្នែកមកពីក្រុមហ៊ុនសំណង Beijing Urban Construction Group។

គណៈប្រតិភូបានជម្រាបជូនឯកឧត្តមទេសរដ្ឋមន្រ្តីអំពីចំណាប់អារម្មណ៍របស់ខ្លួនក្នុងការអភិវឌ្ឍគម្រោងហេដ្ឋារចនាសម្ព័ន្ធ ដោយផ្តោតជាសំខាន់លើការដឹកជញ្ជូនតាមផ្លូវទឹកក្នុងស្រុក។

ក្រុមគណៈប្រតិភូបានស្វែងរកកិច្ចសហការ និងការគាំទ្រពីក្រសួងសាធារណការនិងដឹកជញ្ជូន។ ជាមួយគ្នានេះ គណៈប្រតិភូក៏បានអញ្ជើញឯកឧត្តមទេសរដ្ឋមន្ដ្រីចូលរួមវេទិកាសំខាន់មួយស្តីពីការ អភិវឌ្ឍហេដ្ឋារចនាសម្ព័ន្ធ ដែលនឹងប្រព្រឹទៅនៅក្នុងប្រទេសចិនក្នុងខែមិថុនាឆ្នាំនេះផងដែរ។

ឯកឧត្តមទេសរដ្ឋមន្ត្រី ស៊ុន ចាន់ថុល បានសម្តែងនូវការស្វាគមន៍យ៉ាងកក់ក្តៅនិងការគាំទ្រយ៉ាងខ្លាំងចំពោះក្រុមហ៊ុនសំណង់Beijing Urban Construction Group ដែលបានចាប់អារម្មណ៍លើការចូលរួមចំណែកដល់ការអភិវឌ្ឍហេដ្ឋារចនាសម្ព័ន្ធនៅកម្ពុជា។ ឯកឧត្តមទេសរដ្ឋមន្ត្រីបានជំរុញលើកទឹកចិត្តឱ្យគណៈប្រតិភូធ្វើការឲ្យបានជិតស្និទ្ធជាមួយនឹងធនធានរបស់ក្រសួងដើម្បីធ្វើឲ្យគម្រោងរបស់ពួកគេឈានទៅមុខ។

នៅថ្ងៃទី២៧ ខែមេសាឆ្នាំ២០១៦ នៅទីស្តីការក្រសួងសាធារណការ និងដឹកជញ្ជូន (MPWT) ឯកឧត្តមទេសរដ្ឋមន្ត្រី ស៊ុន ចាន់ថុល បានជួបពិភាក្សាការងារជាមួយគណៈប្រតិភូមួយក្រុមនៃផ្សារទំនើបអ៊ីអន ដែលដឹកនាំដោយលោក Makoto Yajima នាយកគ្រប់គ្រងផ្សារទំនើបអ៊ីអនកម្ពុជា អមដំណើរដោយឯកឧត្តម Shinohara Katsuhiro អតីតឯកអគ្គរដ្ឋទូតជប៉ុនប្រចាំប្រទេសកម្ពុជា។

គោលបំណងនៃកិច្ចប្រជុំនេះគឺ ដើម្បីពិភាក្សាអំពីទីតាំងដាក់ម៉ាស៊ីនបោះពុម្ពប័ណ្ណបើកបរ របស់ក្រសួង សម្រាប់បំរើសេវាដល់អ្នកស្នើសុំពន្យាសុពលភាព និងធ្វើប័ណ្ណបើកបរឡើងវិញ។

ផ្សារអ៊ីអនម៉ល បានផ្តល់ទីធ្លារសាធារណៈ ទំហំ៤០ម៉ែត្រការ៉េ នៅក្នុងផ្សារទំនើបនេះសម្រាប់បម្រើជាមជ្ឈមណ្ឌលផ្តល់ប័ណ្ណបើកបរ ដោយប្រើប្រាស់បច្ចេកវិទ្យាទំនាក់ទំនង ជាមួយប្រព័ន្ធទិន្នន័យក្រសួងពីចម្ងាយជាលើកដំបូង។ ទីតាំងផ្តល់សេវាសាធារណៈថ្មីនេះ នឹងជួយសម្រួលដល់ការផ្តល់ប័ណ្ណបើកបរ កាន់តែលឿន និងងាយស្រួលសម្រាប់ប្រជាពលរដ្ឋកម្ពុជា។ ការដាក់ឲ្យដំណើរការទីតាំងផ្តល់សេវាខាងលើនេះជាផ្នែកមួយ នៃគំនិតផ្តួចផ្តើមរយៈពេល១០០ថ្ងៃ លើកដំបូងរបស់ឯកឧត្តមទេសរដ្ឋមន្ត្រី។

ឯកឧត្តមទេសរដ្ឋមន្រ្តី បានសម្តែងនូវអំណរគុណយ៉ាងជ្រាលជ្រៅ ចំពោះការផ្តល់ជំនួយសប្បុរស នូវទីតាំងដ៏មានតម្លៃនេះ ក្នុងផ្សារទំនើបអ៊ីអន និងបានមានប្រសាសន៍ថា៖ នេះជាការតំណាងឲ្យភាពជាដៃគូដ៏រឹងមាំរវាងផ្សារអ៊ីអនម៉ល និងប្រជាជនកម្ពុជា។

នៅថ្ងៃទី២៨ ខែមេសា ឆ្នាំ២០១៦ ឯកឧត្តមទេសរដ្ឋមន្ត្រី ស៊ុន ចាន់ថុល និងគណៈប្រតិភូ មកពីក្រសួងសាធារណការ និងដឹកជញ្ជូន បានជួបពិភាក្សាការងារជាមួយ នាយកប្រតិបត្តិកំពូលរបស់ក្រុមហ៊ុនវីង (WING) ដែលជាក្រុមហ៊ុន ផ្តល់សេវាទូទាត់ប្រាក់តាម ទូរស័ព្ទចល័ត (mobile payment) នៅកម្ពុជា ដើម្បីពិភាក្សាអំពីជម្រើស លើដំណើរការទូទាត់ប្រាក់ទូទាំងប្រទេស សម្រាប់ការស្នើសុំ និងបោះពុម្ពប័ណ្ណបើកបរ ព្រមទាំងការទូទាត់ថ្លៃសេវា សម្រាប់ការចុះបញ្ជីរថយន្ត និងទោចក្រយានយន្តផងដែរ។

ក្រោមការដឹកនាំរបស់លោក អ្នកឧកញ៉ា គិត ម៉េង និង លោក Joao Malolos នាយកប្រតិបត្តិ នៃក្រុមហ៊ុន វីង ក្រុមការងាររបស់នាយកប្រតិបត្តិក្រុមហ៊ុនវីង បានធ្វើបង្ហាញអំពី ធនធានក្រុមហ៊ុន និងបានពិភាក្សាអំពីដំណោះស្រាយ ប្រកបដោយសក្តានុពល ដើម្បីសហការជាមួយក្រសួង ក្នុងការរួមចំណែកដល់ការផ្សព្វផ្សាយទូទាំងប្រទេស និងធ្វើឲ្យដំណើរការចុះបញ្ជីយានយន្ត កាន់តែមានភាពងាយស្រួលជាងមុន លឿនជាងមុន និងនៅកន្លែងតែមួយ។

នៅថ្ងៃទី២៨ ខែមេសា ឆ្នាំ២០១៦ នៅទីស្តីការក្រសួងសាធារណការ និងដឹកជញ្ជូន ឯកឧត្តមទេសរដ្ឋមន្ត្រី ស៊ុន ចាន់ថុល បានជួបពិភាក្សាការងារជាមួយ តំណាងវិស័យឧស្សាហកម្មដឹកជញ្ជូនកម្ពុជា ដែលរួមមាន៖ សមាគមដឹកជញ្ជូនផ្លូវគោកកម្ពុជា (CAMTA) សមាគមភ្នាក់ងារបញ្ជូនទំនិញកម្ពុជា (CAMFFA) សមាគមរថយន្តក្រុងកម្ពុជា (CAMBA)។

នេះគឺជាកិច្ចប្រជុំមួយដើម្បី ពិភាក្សាបន្ថែមទៀតអំពីបញ្ហាប្រឈម ដែលបានជួបប្រទះដោយវិស័យឧស្សាហកម្មដឹកជញ្ជូនក្នុងគោលបំណងស្វែងរកដំណោះស្រាយ ដែលអាចធ្វើបានដើម្បីកាត់បន្ថយ ការចំណាយលើការដឹកជញ្ជូននៅកម្ពុជា។

ឯកឧត្តមទេសរដ្ឋមន្រ្តី ស៊ុន ចាន់ថុល បានស្នើឲ្យតំណាងឧស្សាហកម្មដឹកជញ្ជូន កាត់បន្ថយថ្លៃដឹកជញ្ជូនរបស់ខ្លួន ឲ្យស្របទៅនឹងការធ្លាក់ចុះតម្លៃប្រេង ការលុបចោលការយកលុយ សម្រាប់ការប្រើប្រាស់ផ្លូវជាតិលេខ៤ និងការកាត់បន្ថយថ្លៃលើកដាក់ទំនិញនៅកំពង់ផែចំនួន១០% ។ យោងតាមលទ្ធផល នៃកិច្ចប្រជុំនេះឲ្យដឹងថា៖ ក្រុមហ៊ុនដឹកជញ្ជូនទាំងឡាយ បានយល់ព្រមកាត់បន្ថយតម្លៃដឹកជញ្ជូន ចំនួន១០ដុល្លារ ក្នុងមួយកុងទ័រណឺ៤០ហ្វីត។

ឯកឧត្តមទេសរដ្ឋមន្ត្រី ក៏បានសំណូមពរឲ្យក្រុមហ៊ុនដឹកជញ្ជូន ដាក់របាយការណ៍ជាក់លាក់របស់ខ្លួន មកក្រសួងដោយរៀបរាប់អំពី ការចំណាយលម្អិត នៃប្រតិបត្តិការ ដើម្បីឲ្យក្រសួងធ្វើការកំណត់ពីរបៀប បន្ថយថ្លៃដឹកជញ្ជូនបន្ថែមទៀត។

នៅថ្ងៃទី២៥ ខែមេសា ឆ្នាំ២០១៦ នៅទីស្តីការក្រសួងសាធារណការនិងដឹកជញ្ជូន ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការនិងដឹកជញ្ជូន បានជួបពិភាក្សាជាមួយតំណាងវិស័យឧស្សាហកម្ម ដឹកជញ្ជូនកម្ពុជា (ទាំងការដឹកជញ្ជូនទំនិញនិងការដឹកជញ្ជូនអ្នកដំណើរ) ដែលក្នុងនោះមាន៖ សមាគមដឹកជញ្ជូនផ្លូវគោកកម្ពុជា(CAMTA) សមាគមភ្នាក់ងារបញ្ជូនទំនិញកម្ពុជា(CAMFFA) សមាគមរថយន្តក្រុងកម្ពុជា (CAMBA) និងក្រុមហ៊ុនដឹកជញ្ជូនផ្សេងទៀតមកពីវិស័យឯកជន។

នេះគឺជាកិច្ចប្រជុំមួយ រៀបចំឡើងដើម្បីពិនិត្យឡើងវិញ និងពិភាក្សាអំពីថ្លៃឈ្នួលដឹកជញ្ជូននាពេលបច្ចុប្បន្ន និងបញ្ហាប្រឈមដែលបានជួបប្រទះដោយឧស្សាហកម្មដឹកជញ្ជូននៅកម្ពុជា។

ឯកឧត្តមទេសរដ្ឋមន្រ្តី ស៊ុន ចាន់ថុល បានស្នើឲ្យតំណាងសមាគម និងក្រុមហ៊ុន ដឹកជញ្ជូនកាត់បន្ថយថ្លៃឈ្នួលរបស់ខ្លួនបន្ថែមទៀតឲ្យស្របតាមតម្លៃប្រេងធ្លាក់ចុះ ដើម្បីផ្តល់ផលប្រយោជន៍ដល់អ្នកដំណើរកម្ពុជានិងដើម្បីកាត់បន្ថយការចំណាយលើការដឹកជញ្ជូននៅប្រទេសកម្ពុជា។ ឯកឧត្តមទេសរដ្ឋមន្ត្រីក៏បានកត់សម្គាល់ផងដែរអំពីបញ្ហា និងសំណើនានាដែលលើកឡើងដោយ ក្រុមហ៊ុន និងសមាគមនានាដែលបានចូលរួមក្នុងកិច្ចពិភាក្សា និងបានជំរុញលើកទឹកចិត្តឲ្យពួកគេសហការជាមួយរាជរដ្ឋាភិបាលដើម្បីដោះស្រាយបញ្ហាទាំងនោះ។ ឯកឧត្តមទេសរដ្ឋមន្ត្រីក៏បានសំណូមពរឲ្យក្រុមហ៊ុនដឹកជញ្ជូនដាក់របាយការណ៍ជាក់លាក់របស់ខ្លួន មកក្រសួងដោយរៀបរាប់អំពីការចំណាយលម្អិតនៃប្រតិបត្តិការរបស់ខ្លួន ដើម្បីឲ្យក្រសួងធ្វើការកំណត់ពីរបៀបបន្ថយថ្លៃដឹកជញ្ជូនបន្ថែមទៀត។ លើសពីនេះទៀត ឯកឧត្តមទេសរដ្ឋមន្ត្រីបានស្នើឲ្យក្រុមហ៊ុនដឹកជញ្ជូនត្រូវគោរពច្បាប់ស្តីពីការកំណត់ទម្ងន់ដើម្បីកាត់បន្ថយការខូចផ្លូវដែលបង្កឡើងដោយរថយន្តដឹកទំនិញលើសទម្ងន់កំណត់។ ឯកឧត្តមទេសរដ្ឋមន្ត្រី ក៏បានស្នើឱ្យអ្នកបើកបររថយន្ត និងរថយន្តក្រុងទាំងអស់ឱ្យគោរពតាមច្បាប់ចរាចរណ៍។

ឯកឧត្តមទេសរដ្ឋមន្រ្តី ស៊ុន ចាន់ថុល បានសម្តែងអំណរគុណយ៉ាងជ្រាលជ្រៅចំពោះតំណាងឧស្សាហកម្មដឹកជញ្ជូនទាំងអស់ ដែលបានចូលរួមការពិគ្រោះយោបល់ប្រកបដោយផលិតភាព និងភាពស្មោះត្រង់ជាមួយរដ្ឋាភិបាល និងសង្ឃឹមថាស្មារតីនៃកិច្ចសហប្រតិបត្តិការរវាងវិស័យសាធារណៈ និងឯកជននេះនឹងនៅតែបន្តដើម្បីចូលរួមចំណែកដល់ការធ្វើឲ្យប្រសើរឡើងនៅក្នុងហេដ្ឋារចនាសម្ព័ន្ធដឹកជញ្ជូនកម្ពុជា និងធ្វើឲ្យមានភាពងាយស្រួលដល់ការធ្វើពាណិជ្ជកម្មនៅកម្ពុជាផងដែរ។

នៅថ្ងៃទី២៥ ខែមេសា ឆ្នាំ២០១៦ នៅទីស្តីការក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានជួបពិភាក្សាការងារជាមួយគណៈប្រតិភូមួយក្រុម ដឹកនាំដោយលោក Jiang Juhua នាយកគ្រប់គ្រងទូទៅផ្នែកកម្ចីសម្បទាននៃធនាគារអាហរ័ណនីហរ័ណចិន។

គោលបំណងនៃកិច្ចប្រជុំនេះគឺដើម្បីពិភាក្សា អំពីគម្រោងអាទិភាពនានា ក្នុងការធ្វើឲ្យប្រសើរឡើងដល់ហេដ្ឋារចនាសម្ព័ន្ធ ដែលធនាគារអាហរ័ណនីហរ័ណចិនអាចផ្តល់ហិរញ្ញប្បទានបាន។ គម្រោងអាទិភាពទាំងនេះ គឺផ្នែកមួយនៃមធ្យោបាយដែលមានប្រសិទ្ធភាពបំផុត ក្នុងការធ្វើឲ្យសេដ្ឋកិច្ចមានភាពប្រសើរឡើង។ ឯកឧត្តមទេសរដ្ឋមន្ត្រី ស៊ុន ចាន់ថុល ក៌បានស្នើឲ្យលោក Jiang Juhua ពន្លឿនកិច្ចព្រមព្រៀងប្រាក់កម្ចីសម្រាប់ផ្លូវលេខ៥១ និងផ្លូវក្រវ៉ា់ត់ក្រុងលេខ២ ផងដែរ។ លើសពីនេះទៀត ឯកឧត្តម បានស្នើឲ្យ លោកJiang Juhua ផ្តល់ការគាំទ្រលើការស្វែងរកគម្រោងផ្តល់ហិរញ្ញប្បទានសម្រាប់ការសាងសង់ ផ្លូវល្បឿនលឿនពីភ្នំពេញទៅក្រុងព្រះសីហនុ ដែលជាការពង្រឹងដល់ការអភិវឌ្ឍសេដ្ឋកិច្ចកម្ពុជាយ៉ាងធំធេង ។

ឯកឧត្តមទេសរដ្ឋមន្រ្តី ស៊ុន ចាន់ថុល និងលោក Jiang Juhua ក៏បានពិភាក្សាផងដែរអំពីការដឹកជញ្ជូនតាមផ្លូវទឹកក្នុងស្រុក ផ្លូវដែក ព្រលានយន្តហោះ និងបណ្តាញផ្លូវគោកផ្សេងទៀតនៅក្នុងប្រទេសកម្ពុជាផងដែរ។ ឯកឧត្តមទេសរដ្ឋមន្រ្តី បានសម្តែងនូវការកោតសរសើរចំពោះធនាគារអាហរ័ណនីហរ័ណចិន ដែលបានផ្តល់ការគាំទ្រដល់ការស្តារហេដ្ឋារចនាសម្ព័ន្ធ និងការសាងសង់នៅក្នុងប្រទេសកម្ពុជា។ ឯកឧត្តមទេសរដ្ឋមន្ត្រីបានជម្រាបជូនគណៈប្រតិភូថា៖ ពួកគេគឺជាគណៈប្រតិភូផ្លូវការលើកដំបូងហើយ ដែលបានជួបពិភាក្សាជាមួយឯកឧត្តម ក្នុងតំណែងថ្មីជារដ្ឋមន្ត្រីក្រសួងសាធារណការនិងដឹកជញ្ជូន។

Click here to view the embedded video.

នៅថ្ងៃទី២៦ ខែមេសា ឆ្នាំ២០១៦ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានអញ្ជើញចូលរួមក្នុងពិធី សម្ពោធដាក់ឲ្យប្រើប្រាស់ជាផ្លូវការ នូវផ្លូវជាតិលេខ៥៦ និងផ្លូវចូលទៅប្រាសាទបន្ទាយឆ្មារ ដែលមានប្រវែងសរុប ១២៤,២០ គីឡូម៉ែត្រ ពីក្រុងសិរីសោភ័ណ្ឌ ខេត្តបន្ទាយមានជ័យ ទៅដល់ក្រុងសំរោង ខេត្តឧត្តរមានជ័យ។ ការកែលម្អហេដ្ឋារចនាសម្ព័ន្ធនេះ ត្រូវបានបង្កើតឡើងដោយធនាគារឥណទាន Exim Bank EDCF KHM-9 និងប្រាក់កម្ចីធនាគារ អភិវឌ្ឍន៍អាស៊ីលេខ ២៥៣៩-CAM (SF) ។

ពិធីបើកសម្ពោធនេះ ត្រូវបានធ្វើឡើងក្រោមអធិបតី សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា អមដំណើរដោយ មន្រ្តីជាន់ខ្ពស់នៃរាជរដ្ឋាភិបាល ឯកអគ្គរដ្ឋទូត ភ្ញៀវកិត្តិយសជាតិ និងអន្ដរជាតិ ព្រមទាំងសិស្សនិស្សិត និងប្រជាពលរដ្ឋ ក្នុងមូលដ្ឋានរាប់ពាន់នាក់ចូលរួមផងដែរ។

ឯកឧត្តមទេសរដ្ឋមន្រ្តី ស៊ុន ចាន់ថុល បានសម្តែងការកោតសរសើរ និងអរគុណយ៉ាងជ្រាលជ្រៅចំពោះរដ្ឋាភិបាលនៃសាធារណរដ្ឋកូរ៉េ និងធនាគារអភិវឌ្ឍន៍អាស៊ី ដែលបានផ្តល់ការគាំទ្រផ្នែកហិរញ្ញប្បទាន និងបានថ្លែងអំណរគុណដល់អាជ្ញាធរពាក់ព័ន្ធ និងប្រជាពលរដ្ឋក្នុងមូលដ្ឋាន ដែលបានសហការ និងសម្របសម្រួល ធ្វើឲ្យការសាងសង់ផ្លូវដ៏ធំទូលាយនេះ ទទួលបានជោគជ័យ ដោយតភ្ជាប់ខេត្តចំនួនពីរគឺ៖ ខេត្តបន្ទាយមានជ័យ និងឧត្តរមានជ័យ ឋិតនៅភាគខាងជើងប្រទេសកម្ពុជា និងខេត្តនានា ឋិតភាគខាងជើងនៃប្រទេសថៃ។

ផ្លូវនេះក៏តភ្ជាប់ផងដែរ ទៅកាន់ផ្លូវជាតិលេខ៥ បង្កើតបានជាការតភ្ជាប់ទៅកាន់ ច្រករបៀងសេដ្ឋកិច្ចភាគខាងកើត និងខាងលិច មហាអនុតំបន់ទន្លេមេគង្គ។

ដូច្នេះការស្តារឡើងវិញ ផ្លូវជាតិលេខ៥៦នេះ គឺជាការសម្របសម្រួលដល់ការដឹកជញ្ជូន និងការធ្វើពាណិជ្ជកម្ម នៅក្នុងអនុតំបន់រវាងភាគខាងជើងកម្ពុជា និងភាគខាងជើងប្រទេសថៃ បង្កើនការចូលទៅកាន់ទីផ្សារ ក្នុងតំបន់ កាត់បន្ថយពេលវេលាធ្វើដំណើរ និងការចំណាយ ជំរុញវិស័យទេសចរណ៍បើកផ្លូវចូលទៅកាន់ព្រំដែនដោយផ្ទាល់ និងការឆ្លងកាត់ក្នុងតំបន់ ដែលជាការធ្វើឲ្យប្រសើរឡើងដល់ ការប្រកបរបរចិញ្ចឹមជីវិត របស់ប្រជាជនកម្ពុជា តាមរយៈកំណើនសេដ្ឋកិច្ច។

នៅថ្ងៃទី ២៦ ខែមេសា ឆ្នាំ២០១៦ នៅទីស្តីការក្រសួងសាធារណការ និងដឹកជញ្ជូន ឯកឧត្តមទេសរដ្ឋមន្ត្រី ស៊ុន ចាន់ថុល បានជួបពិភាក្សាការងារជាមួយគណៈប្រតិភូវេទិកាសេដ្ឋកិច្ចពិភពលោក ដែលដឹកនាំដោយលោកបណ្ឌិត Philipp Rosler ប្រធាន និងជាសមាជិកគណៈគ្រប់គ្រងមជ្ឈមណ្ឌលយុទ្ធសាស្ត្រតំបន់ លោកJustin Wood ប្រធានប្រចាំតំបន់អាស៊ីប៉ាស៊ីហ្វិក លោកស្រី Anne Catherine Gay de Combes អ្នកឯកទេសផ្នែកសហគមន៍ យុទ្ធសាស្ត្រតំបន់ អាស៊ីប៉ាស៊ីហ្វិក លោកស្រី Trang Vergari ប្រធានគ្រប់គ្រងសហគមន៍ប្រចាំតំបន់អាស៊ីអាគ្នេយ៍ និងលោក Pierre Tami សហគ្រិនសង្គម ប្រចាំនៅប្រទេសកម្ពុជា ។

លោកបណ្ឌិត Philip Rosler បានជម្រាបជូនដំណឹងល្អដល់ឯកឧត្តមទេសរដ្ឋមន្ត្រីអំពីសេចក្តីសម្រេចរបស់វេទិកាសេដ្ឋកិច្ចពិភពលោក ដែលបានសម្រេចអនុញ្ញាតឲ្យកម្ពុជារៀបចំវេទិកាសេដ្ឋកិច្ចពិភពលោកដ៏អស្ចារ្យនេះនៅក្នុងកិច្ចប្រជុំកំពូលអាស៊ាននៅឆ្នាំ២០១៧។

វេទិកាសេដ្ឋកិច្ចពិភពលោក គឺជាស្ថាប័នប្រកបដោយកិត្យានុភាពជាសកល ដែលអាចទាក់ទាញអ្នកជំនួញធំៗ អ្នកដឹកនាំនយោបាយ និងសង្គមស៊ីវិល ឲ្យចូលរួមក្នុងវេទិកានៃកិច្ចប្រជុំកំពូលរបស់ស្ថាប័ននេះ។

សម្តេចនាយករដ្ឋមន្ត្រី បានចូលរួមយ៉ាងសកម្មនៅក្នុងវេទិកាសេដ្ឋកិច្ចពិភពលោក និងស្នើសុំឲ្យកម្ពុជាធ្វើម្ចាស់ផ្ទះក្នុងការរៀបចំកម្មវិធីវេទិកាសេដ្ឋកិច្ចពិភពលោកនៅក្នុងកិច្ចប្រជុំកំពូលអាស៊ានលើកក្រោយ។ ការសម្រេចឲ្យកម្ពុជាធ្វើជាម្ចាស់ផ្ទះក្នុងការរៀបចំកិច្ចប្រជុំកំពូលអន្តរជាតិធំៗ គឺជាការទទួលស្គាល់សមិទ្ធិផលនានាក្រោមការដឹកនាំរបស់សម្តេចនាយករដ្ឋមន្ត្រី និងការដើរតួនាទីសំខាន់របស់កម្ពុជានៅក្នុងសេដ្ឋកិច្ចតំបន់ និងពិភពលោក។ នេះគឺពិតជាកិត្តិយសដ៏ធំធេងរបស់កម្ពុជា។

ឯកឧត្តមទេសរដ្ឋមន្ត្រីបានបំពេញការងារជាមួយក្រុមហ៊ុនពហុជាតិធំៗ ដើម្បីឲ្យជួយបញ្ចុះបញ្ជូលវេទិកាសេដ្ឋកិច្ចពិភពលោកមករៀបចំនៅកម្ពុជាតាំងពីឆ្នាំ២០១៣មកម្លេះ។ ឯកឧត្តមទេសរដ្ឋមន្ត្រីនឹងធ្វើការងារជាមួយគណៈកម្មាធិការរៀបចំកម្មវិធីដើម្បីធានាឲ្យកិច្ចប្រជុំកំពូលនេះប្រព្រឹត្តទៅប្រកបដោយជោគជ័យ ចងចាំជាប្រវត្តិសាស្ត្រ និងជាមោទនភាពជាតិខ្មែរ។

នៅថ្ងៃទី២៧ ខែមេសាឆ្នាំ២០១៦ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន (MPWT) បានជួបពិភាក្សាការងារជាមួយគណៈប្រតិភូចិនដែលរួមមាន៖ លោក Daizong Li ប្រធានក្រុមហ៊ុនផ្នែកអន្តរជាតិ លោក Raymond Luo អនុប្រធាន និងលោកស្រី Annabella Li តំណាងក្រុមហ៊ុនតាមផ្នែកមកពីក្រុមហ៊ុនសំណង Beijing Urban Construction Group។

គណៈប្រតិភូបានជម្រាបជូនឯកឧត្តមទេសរដ្ឋមន្រ្តីអំពីចំណាប់អារម្មណ៍របស់ខ្លួនក្នុងការអភិវឌ្ឍគម្រោងហេដ្ឋារចនាសម្ព័ន្ធ ដោយផ្តោតជាសំខាន់លើការដឹកជញ្ជូនតាមផ្លូវទឹកក្នុងស្រុក។

ក្រុមគណៈប្រតិភូបានស្វែងរកកិច្ចសហការ និងការគាំទ្រពីក្រសួងសាធារណការនិងដឹកជញ្ជូន។ ជាមួយគ្នានេះ គណៈប្រតិភូក៏បានអញ្ជើញឯកឧត្តមទេសរដ្ឋមន្ដ្រីចូលរួមវេទិកាសំខាន់មួយស្តីពីការ អភិវឌ្ឍហេដ្ឋារចនាសម្ព័ន្ធ ដែលនឹងប្រព្រឹទៅនៅក្នុងប្រទេសចិនក្នុងខែមិថុនាឆ្នាំនេះផងដែរ។

ឯកឧត្តមទេសរដ្ឋមន្ត្រី ស៊ុន ចាន់ថុល បានសម្តែងនូវការស្វាគមន៍យ៉ាងកក់ក្តៅនិងការគាំទ្រយ៉ាងខ្លាំងចំពោះក្រុមហ៊ុនសំណង់Beijing Urban Construction Group ដែលបានចាប់អារម្មណ៍លើការចូលរួមចំណែកដល់ការអភិវឌ្ឍហេដ្ឋារចនាសម្ព័ន្ធនៅកម្ពុជា។ ឯកឧត្តមទេសរដ្ឋមន្ត្រីបានជំរុញលើកទឹកចិត្តឱ្យគណៈប្រតិភូធ្វើការឲ្យបានជិតស្និទ្ធជាមួយនឹងធនធានរបស់ក្រសួងដើម្បីធ្វើឲ្យគម្រោងរបស់ពួកគេឈានទៅមុខ។

នៅថ្ងៃទី២៩ ខែមេសាឆ្នាំ២០១៦ នៅទីស្តីក្រសួងសាធារណការ និងដឹកជញ្ជូន ឯកឧត្តមទេសរដ្ឋមន្ត្រី ស៊ុន ចាន់ថុល បានជួបពិភាក្សាការងារជាមួយលោក Adachi Itsu ប្រធានតំណាងអង្គការJICA កម្ពុជាអមដំណើរដោយក្រុមអ្នកជំនាញអង្គការJICA ដែលជាដៃគូររបស់ក្រសួងសាធារណការ និងដឹកជញ្ជូន។

គោលបំណងនៃកិច្ចប្រជុំនេះគឺដើម្បីផ្លាស់ប្តូរព័ត៌មានទៅវិញទៅមកអំពីកិច្ចសហប្រតិបត្តិការរបស់ JICA ក្នុងការអភិវឌ្ឍន៍ហេដ្ឋារចនាសម្ព័ន្ធបច្ចុប្បន្ននៅកម្ពុជា និងដើម្បីពិគ្រោះយោបល់ផងដែរស្តីពីកិច្ចសហការនាពេលអនាគត រវាងអង្គការJICAនិងក្រសួង។

ក្រុមការងាររបស់អង្គការJICA បានជម្រាបជូនឯកឧត្តមទេសរដ្ឋមន្រ្តីអំពីការស្ទង់មតិរបស់ខ្លួនលើការ ជំរុញការដឹកជញ្ជូនឆ្លងកាត់ព្រំដែន និងបានសម្តែងការប្តេជ្ញាចិត្តរបស់ខ្លួនក្នុងគាំទ្រឲ្យមានការដឹកជញ្ជូនប្រកបដោយប្រសិទ្ធភាពនៅកម្ពុជា។

ឯកឧត្តមទេសរដ្ឋមន្រ្តី បានគូសបញ្ជាក់អំពីរបៀបដែលបណ្តាញផ្លូវថ្នល់ដើរតួនាទីយ៉ាងសំខាន់ក្នុងការអភិវឌ្ឍន៍ប្រទេស។ ឯកឧត្តមទេសរដ្ឋមន្ត្រី បានស្នើឱ្យបង្កើតក្រុមប្រឹក្សាដឹកជញ្ជូន ឬគណៈកម្មាធិការសម្របសម្រួលកិច្ចសហប្រតិបត្តិការ រវាងក្រសួងពាក់ព័ន្ធដើម្បីលើកកម្ពស់ និងពង្រឹងការដឹកជញ្ជូននៅក្នុងប្រទេសកម្ពុជា។

នៅថ្ងៃទី៣០ ខែមេសា ឆ្នាំ២០១៦ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្ត្រីក្រសួងសាធារណការ និងដឹកជញ្ជូនអមដំណើរ សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញធ្វើដំណើរតាមរថភ្លើងដឹកអ្នកដំណើរ របស់ក្រុមហ៊ុនរ៉ូយ៉ាល់ រេលវេ កម្ពុជា ពីភ្នំពេញទៅកាន់ខេត្តព្រះសីហនុ។

ថ្នាក់ដឹកនាំ និងមន្ត្រីជាន់ខ្ពស់ នៃរាជរដ្ឋាភិបាលដទៃទៀត ដែលបានអមដំណើរ សម្តេចនាឱកាសនោះរួមមាន៖ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី លោកជំទាវ ម៉ែន សំអន ឧបនាយករដ្ឋមន្រ្តី ឯកឧត្តម ប៊ិន ឈិន ឧបនាយករដ្ឋមន្រ្តី និងមន្រ្តីជាន់ខ្ពស់ របស់រាជរដ្ឋាភិបាលជាច្រើនរូបទៀត រួមទាំងនាយកប្រតិបត្តិក្រុមហ៊ុនរ៉ូយ៉ាល់ រេលវេ កម្ពុជា ដែលដឹកនាំដោយអ្នកឧកញ៉ា គិត ម៉េង ប្រធានក្រុមហ៊ុនរ៉ូយ៉ាល់គ្រុប និងលោក John Guiry នាយកប្រតិបត្តិរបស់ក្រុមហ៊ុនរ៉ូយ៉ាល់ រេលវេ កម្ពុជាផងដែរ។

ព្រឹត្តិការណ៍នេះជាការស្វាគមន៍ នូវការបើកទំព័រសករាជថ្មី នៃការធ្វើដំណើរតាមផ្លូវរថភ្លើងកម្ពុជា សម្រាប់សាធារណជន បន្ទាប់ពីបានបិទប្រតិបត្ដិការរបស់ខ្លួន អស់រយៈពេលជាង៣០ឆ្នាំកន្លងមក។ ផ្លូវដែកនៅកម្ពុជាអាចដើរតួនាទីយ៉ាងសំខាន់ ក្នុងការលើកកម្ពស់សុវត្ថិភាពការធ្វើដំណើរ កាត់បន្ថយគ្រោះថ្នាក់ចរាចរណ៍ និងរួមចំណែកដល់ការសម្របសម្រួល ហេដ្ឋារចនាសម្ព័ន្ធដឹកជញ្ជូនកម្ពុជា ឲ្យកាន់តែមានភាពរលូន។

ការធ្វើដំណើរនេះ មានទូររថភ្លើងចំនួនប្រាំទូរ ផ្ទុកអ្នកដំណើរប្រមាណ ៣០០នាក់ ក្នុងនោះរួមមាន៖ មន្ត្រីរដ្ឋាភិបាល និងសាធារណជនទូទៅផងដែរ ហើយការធ្វើដំណើរនេះនឹងត្រូវចំណាយពេលប្រហែល ៧ម៉ោង ពីភ្នំពេញ ទៅខេត្តព្រះសីហនុ។

ការធ្វើដំណើរនេះបានធ្វើឲ្យក្រុមហ៊ុនផ្លូវដែក បង្ហាញពីសមត្ថភាពដឹកជញ្ជូនអ្នកដឹកដំណើរ និងរថយន្តរបស់ពួកគេនៅលើរថភ្លើងផងដែរ!

ខ្សែផ្លូវរថភ្លើងពីរាជធានីភ្នំពេញ ទៅខេត្តព្រះសីហនុនេះ មានប្រវែងសរុប ២៦៦ គីឡូម៉ែត្រ បានកសាងឡើង ក្រោមស្នាព្រះហត្ថរបស់ព្រះបរមរតនៈកោដ ព្រះបាទសម្តេច ព្រះនរោត្តមសីហនុ។

ការសាងសង់ផ្លូវដែកទាំងនេះ ត្រូវបានបែងចែកជាបីដំណាក់កាល៖ (ក) ពីរាជធានីភ្នំពេញ ទៅខេត្តតាកែវ មានប្រវែង ៧៥គីឡូម៉ែត្រ (កសាងពីឆ្នាំ១៩៦០ ដល់ ឆ្នាំ១៩៦៦) (ខ) ពីខេត្តតាកែវ ទៅខេត្តកំពត មានប្រវែង ៩២គីឡូម៉ែត្រ (កសាងពី ឆ្នាំ១៩៦៦ ដល់ ឆ្នាំ១៩៦៧) និង (គ) ពីខេត្តកំពត ទៅកាន់ ខេត្តព្រះសីហនុ និងទៅកំពង់ផែព្រះសីហនុ មានប្រវែង ៩៩គីឡូម៉ែត្រ (កសាងពីឆ្នាំ១៩៦៧ ដល់ឆ្នាំ១៩៦៩) ។

នៅព្រឹកថ្ងៃទី០១ ខែឧសភា ឆ្នាំ២០១៦ នៅកំពង់ផែស្វយ័តក្រុងព្រះសីហនុ(PAS) ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ   និងដឹកជញ្ជូន    បានអមដំណើរ ​ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាអញ្ជើញជួបសំណេះសំណាល និងសាកសួរសុខទុក្ខកម្មករកម្មការនី និយោជិតរបស់កំពង់ផែស្វយ័តក្រុងព្រះសីហនុ ក្នុងឱកាសខួបអនុស្សាវរីយ៍លើកទី១៣០នៃទិវាពលកម្មអន្តរជាតិ។

ឯកឧត្តមទេសរដ្ឋមន្រ្តី ស៊ុន ចាន់ថុល បានលើកឡើងអំពី សារៈសំខាន់នៃកំពង់ផែ ក្នុងការបម្រើសេវាដឹកជញ្ជូន។ ឯកឧត្តមទេសរដ្ឋមន្ត្រី ក៏បានមានប្រសាសន៍បន្ថែមទៀតថា៖ កំពង់ផែស្វយ័តក្រុងព្រះសីហនុបានពង្រីក និងធ្វើឱ្យប្រសើរឡើងនូវសមត្ថភាព ក្នុងការផ្តល់សេវាដឹកជញ្ជូនឲ្យកាន់តែល្អប្រសើរដល់អតិថិជនទាំងអស់។ ឯកឧត្តមទេសរដ្ឋមន្ត្រី បានកត់សម្គាល់អំពី ការកើនឡើងនៃចំនួនកុងតេន័រ ចំនួន១៧% នៅឆ្នាំ២០១៥។ កំពង់ផែស្វយ័តក្រុងព្រះសីហនុ សហការជាមួយអ្នកជំនាញរបស់អង្គការ JICA កំពុងសិក្សាពី លទ្ធភាពនៃការកសាងផែកុងតេន័រថ្មីមួយ ដែលមានប្រវែង៣៥០ម៉ែត្រ និងជម្រៅ១៤,៥ម៉ែត្រ ដែលអនុញ្ញាតឱ្យប្រភេទនាវាធំៗ ៩៣% នៅលើពិភពលោក អាចប្រើប្រាស់សេវាកំពង់ផែនេះបាន។ ការសាងសង់ផែនេះ គ្រោងនឹងចាប់ផ្តើមនៅដើមឆ្នាំ២០១៧ និងបញ្ចប់នៅឆ្នាំ២០២១។

ឯកឧត្តមរដ្ឋមន្រ្តី ស៊ុន ចាន់ថុល បានជម្រាបជូន សម្តេចនាយករដ្ឋមន្រ្តី ផងដែរអំពី ការបញ្ចុះតម្លៃសេវា ដោយមានការឯកភាពពី កំពង់ផែស្វយ័តក្រុងព្រះសីហនុ កំពង់ផែស្វយ័តភ្នំពេញ(PPAP) កាំសាប(KAMSAB) និងក្រុមហ៊ុនរថយន្តដឹកជញ្ជូន។ កំពង់ផែស្វយ័តក្រុងព្រះសីហនុ និងកាំសាប បញ្ចុះកម្រៃសេវា១០% រីឯកំពង់ផែស្វយ័តភ្នំពេញបញ្ចុះកម្រៃសេវា៥% ។ ក្រុមហ៊ុនរថយន្តដឹកជញ្ជូនបញ្ចុះតំលៃដឹកជញ្ជូនចំនួន១០ដុល្លារ សម្រាប់កុងតេន័រ ៤០ហ្វីត និង៥ដុល្លារ សម្រាប់ ២០ហ្វីត ។ ការបញ្ចុះតំលៃទាំងនេះ ត្រូវបានអនុវត្តចាប់ពីថ្ងៃទី០១ ខែឧសភា ឆ្នាំ២០១៦នេះតទៅ ដែលជាផ្នែកមួយនៃផែនការ ១០០ថ្ងៃ របស់ក្រសួងសាធារណការ និងដឹកជញ្ជូន។